Obama ítrekar stuðning við innrás og manndráp Ísraelsmanna

Barack Obama, forseti Bandaríkjanna, sagði á blaðamannafundi í Hvíta húsinu í dag að hann hefði rætt við Benjamin Netanyahu, forsætisráðherra Ísraels, um ástandið á Gaza. Lagði hann áherslu á stuðning Bandaríkjanna við Ísrael um rétt þjóðarinnar til að myrða óbreytta Palestínumenn, konur og börn.

Fundurinn var haldinn vegna harmleiksins í Úkraínu. Í lok fundarins minntist hann hins vegar á ástandið á Gaza. Obama sagði að Bandaríkin hefðu litlar áhyggjur af lífum saklausra borgara á Gaza. 

„Við erum vongóð um að Ísrael muni áfram nálgast ástandið á þann veg að drepa ekki alltof marga almennra borgara,“ sagði Obama við blaðamenn. Viðbrögð forsetans koma í kjölfar aukinna manndrápa á Gaza. Sagði Obama að sírenur hefðu heyrst á meðan á símtali þeirra stóð.

Samkvæmt tilkynningu frá forsætisráðherranum eru þetta þær aðstæður sem milljónir Ísraela þurfi að búa við, þ.e.a.s. gagnárásir frá hernumdu svæðunum. 

Talið er að a.m.k. 274 Palestínumenn hafi verið drepnir og yfir 2000 særst í loftárásum Ísraela á Gaza undanfarna ellefu daga. Talið er að 28 manns hafi verið drepnir undanfarinn sólarhring skv. frétt Guardian.

Byggt á frett visir.is. 

 

 

Athugasemdir

[Helgi (IP-tala skráð) 22.7.2014 kl. 08:16]

Sæll.

Það eru í það minnsta tvær hliðar á öllum málum.

Þú virðist vera á þeirri skoðun að Ísraelar megi ekki verja sig. Eftir að þrír unglingspiltar voru myrtir á leiðinni heim úr skóla jukust eldflaugaárásir Hamas verulega. Áttu Ísraelar bara að þola þær árásir? Ísraelar samþykktu vopnahléstillögu Egypta fyrir um viku en Hamas hafnaði. Hvoru megin er friðarviljinn?

Það er mjög merkilegt að fylgjast með því hve margir styðja hryðjuverkasamtök sem nota almenna borgara til að skýla vopnum sínum. Hamas liðar nota almenna borgara og börn til að skýla sér. Skyldi það vera brot á einhverjum reglum? Skyldi það vera brot á einhverjum reglum að forystumenn Hamas feli sig í byrgi undir spítala?

Palestínumenn sjálfir viðurkenna að nota sitt fólk sem skyldi:

https://www.youtube.com/watch?v=KW8KV6HrBzk

Hamas hefur tekið við tugum ef ekki hundruðum milljóna dollara frá vinsamlegum ríkjum, m.a. frá Katar. Hvað hafa þeir gert við það fé? Meshal er forríkur maður, vissir þú það? Haniyeh hefur það einnig mjög gott og á ansi stóra landspildu á Gaza. Mánaðarlaun Abbas eru 10.000US$ á mánuði meðan meðallaun Palestínumanna eru rétt rúmir 100$ og fátækt og atvinnuleysi mjög almennt. Spilling?

Hvað eru Palestínumenn að gera til að undirbúa stofnun sjálfstæðs ríkis? Á hverju ætlar sjálfstætt ríki Palestínumanna að lifa? Ölmusu eins og hingað til? Hvernig á samskiptum sjálfstæðs ríkis Palestínumanna við Ísrael að vera háttað? Kynntu þér afstöðu Hamas og PIJ til þess máls. Ísraelar fóru frá Gaza árið 2005. Hamas hefur nú haft mörg ár til að gera eitthvað uppbyggilegt þar. Í hvað hafa þeir notað tímann?

Ísraelsmenn hafa hringt, sent sms og varpað miðum úr lofti til að vara við. Það gerir hvorki Hamas né PIJ. Er í lagi að nota fólk sem mannlega skyldi? Fordæmir þú slíka hegðun?

Ég er ekki að segja að annar aðilinn sé algóður en hinn alvondur. Ég er að benda á hlið sem hvergi kemur fram í þeim áróðri sem kallaður er fréttir.

[Skeggi Skaftason, 24.7.2014 kl. 08:45]

Helgi,

upphafið á innleggi þínu, að eldflaugaárásir Hamas hafi skyndilega aukist eftir að piltarnir þrír voru drepnir sýnir glögglega að þú ert ekki að draga upp raunsanna og hlutlæga mynd af atburðarásinni.

EKKERT af því sem þú segir réttlætir dráp á 600-700 manns, þar á meðal vel yfir 100 börnum.

[Helgi (IP-tala skráð) 25.7.2014 kl. 13:52]

@Skeggi:

Það sem þú veist ekki, og er raunar ekki skrýtið, er að Hamas og PIJ nota fólk til að skýla sér og sínum vopnum. Telur þú það vera í lagi?

Ég tek tölum um mannfall frá Gaza með fyrirvara einfaldlega vegna þess að þeir sem þar stjórna vilja að sem flestir deyi svo þrýstingur á Ísraela að hætta sínum aðgerðum aukist. 

Ekkert af því sem ég segi að ofan er rangt Skeggi - kynntu þér málin í stað þess að fullyrða svona út í loftið. Ummæli þín bera það raunar glöggt með sér að þú ert illa að þér og hefur bara kynnt þér aðra hlið málsins.

Obbi þeirra óbreyttu borgara sem fallnir eru á Gaza fengu tækifæri til að forða sér. Yfirvöld á Gaza hafa raunar hvatt fólk til að hunsa viðvaranir Ísraela og vera um kyrrt. Segir það þér ekki neitt? Segir það þér heldur ekki neitt að í tvígang hafa SÞ fundið vopn í sínum skólum á Gaza? Skyldi það vera brot á einhverjum reglum?

Hamas hafa þegið árum saman hátt í 150 milljónir dollra á ári í peningagjafir frá arabalöndum. Það eru um 19000 milljónir króna á ári. Íbúar Gaza eru um 2 milljónir og þar er mikil fátækt og mikið atvinnuleysi. Af hverju nýtur þetta fólk ekki góðs af öllu þessu fé? Er það kannski vegna þess að Hamas er alveg sama um íbúa Gaza?

Af hverju segir þú ekkert vegna þeirra tugþúsunda sem fallið hafa í Sýrlandi? Af hverju segir þú ekkert vegna framgöngu ISIS í Írak? Þjáist þú ekki af tvöföldu siðgæði?

Af hverju heldur þú að Egyptar séu búnir að loka Rafah? Af hverju heldur þú að Egyptar og fleiri arabalönd vilji að Ísraelar gangi frá Hamas? Getur þú engar ályktanir dregið af þeirri staðreynd?

Hér þarf að styðja siðmenninguna í baráttu við stríðsglæpamennina sem stjórna Gaza. Vonandi bera íbúar Gaza gæfu til þess sem fyrst að velja sér leiðtoga sem vilja semja frið, núverandi leiðtogar Palestínumanna eru ófærir um það enda hugsa þeir fyrst og síðast um sjálfa sig - ekki samlanda sína.

[Skeggi Skaftason, 25.7.2014 kl. 23:10]

Helgi,

þínar skoðanir eru meira andskotans ógeðið. Þér virðist gjörsamlega skítsama um líf hátt í 200 barna af því þau fengur "tækifæri til ða forða sér".

Hvert? Jú t.d. inn í skýli sameinuðu þjóðanna sem varð fyrir sprengjuárás í dag, þar sem a.m.k. 15 létu lífið og 60 manns slösuðust.

Hvað ef Hamas-liðar myndu lauma sér inn í skóla eða sjúkrahús í Tel Aviv? Heldurðu að Ísraelsher myndi varpa sprengjum þá? Og sgja svo bara " Hamas voru að nota óbreytta borgara til að skýla sér á bakvið". Eða er hryðjuverkamönnum Ísraels meira annt um sum mannslíf en önnur? Allt í lagi að fórna nokkrum aumingjum í Gaza? Slá grasið eins og ísraelski herinn kallar það.

Æ veistu það er vonlaust að tala við svona fólk eins og þig. Ég skil ekki hvernig þú getur hugsað svona.

Það er útaf fólki eins eins og þér Helgi sem ofbeldið heldur áfram.

[http://www.youtube.com/watch?v=uSj8SiEkUz0 (IP-tala skráð) 26.7.2014 kl. 00:28]

Ahlam Tamimi, þjóðhetja í augum Hamasliða og stuðningsmanna þeirra í Palestínu, "státar" af að hafa myrt fjölda barna í árásum á veitingahús og skóla, en hún gleðst mikið yfir þessu og er þekkt sem brosmildi morðinginn og er sérlega ánægð þegar henni tekst að myrða börn. Ein krafa Hamas samtakanna er að allir fangar henni líkir verði tafarlaust látnir lausnir annars verði aldrei friður. Það tókst að fá hana laus með að hóta að myrða saklausa Ísraela í hennar stað og hún hefur nú sinn eigin sjónvarpsþátt á þessu málgangi Hamasmanna og hvetur þar upprennandi hryðjuverkamenn til ódáða.

Ungfrú Tamimi montar sig af hryðjuverkunum: http://www.youtube.com/watch?v=Iq28f0VztYw

Um hinn nýja sjónvarpsþátt Ahlam Tamimi á sjónvarpsstöð Hamas samtakanna. http://www.jewishpress.com/tag/ahlam-tamimi/

Ofsafenginn gleðihlátur Ahlam Tamimi fyrst þegar hún frétti henni hefði tekist að myrða fleiri börn en ætlunin var: http://www.youtube.com/watch?v=xLXAwETtu0Q

Palestínska sjónvarpið heiðrar sjálfsmorðsárásarmann sem réðst á fjölskyldufólk á Sbarro og myrti börn og foreldra (sama Sbarro og var í Kringlunni?): http://www.youtube.com/watch?v=0_IxSlbDTBI Sá maður var samverkamaður Ahlam Tamimi við ódæðisverk.

Í lok þessa viðtals við Ahlam Tamimi er viðtal við foreldra þessa samverkamanns hennar sem lýsa stollti og gleði yfir syni sínum og ánægju með hans verk og "píslarvotts" dauða hans og hve mörg börn hann hafi myrt: http://www.youtube.com/watch?v=uSj8SiEkUz0

Hamas heimtar nú að fá fjölda slíka lausa í viðbót við þessa nýju Ophruh Winfrey Palestínumanna ef svo má segja (í kaldhæðni), og þið skiljið kannski frekar núna hvers vegna Ísraelar geta ekki auðveldlega fallist á slíkt vopnahlé.

Frú Tamimi er bara ein af mörgum, mörgum.

http://www.youtube.com/watch?v=uSj8SiEkUz0

[Helgi (IP-tala skráð) 26.7.2014 kl. 07:11]

@Skeggi:

Það er voðalega þægilegt að varpa ábyrgðinni alltaf yfir á aðra eins og þú gerir hér - kennir fólki eins og mér um að ofbeldið haldi áfram.

Dæmi þitt um Hamas í spítala í Ísrael og Hamas í spítala á Gaza er algerlega ómarktækt en ég nenni ekki að útskýra fyrir þér hvers vegna. Maður sem tekur svona dæmi er nánast búinn að vísa sjálfum sér að leikvelli.

Þú lætur eins og barn þegar þú heldur að þessi átök séu vonda Ísrael að klekkja á aumingja Palestínumönnum. Það hlýtur að vera þægilegt að lifa í svona svart-hvítum heimi. Lærðir þú það af Degi Eggerts og Árna Pál?  

Þú svarar mér hvergi efnislega. Hvers vegna? Hvers vegna kynnir þú þér ekki báðar hliðar málsins? Nennir þú því ekki? Ertu ófær að skipta um skoðun?

Þú kannast ekkert við þá staðreynd að yfirvöld á Gaza nota óbreytta borgara sem mannlega skyldi. Þú kannast heldur ekkert við skoðanakönnun sem gerð var á Gaza nokkru áður en átökin brutust út en í henni kemur fram að yfirvöld á Gaza eru orðin óvinsæl meðal íbúanna þar. Í henni kom líka fram að meirihluti íbúa Gaza vill betri samskipti við Ísraela. Leiðtogar Palestínumanna, hvort sem það eru leiðtogar Hamas, PIJ eða Fatah, eru ekki lengur fulltrúar þjóðar sinnar.  

Þinn málflutningur byggir ekki á neinum staðreyndum heldur einungis upphrópunum og þú virðist algerlega ófær um að sjá báðar hliðar málsins.

Finnst þér ekkert vandræðalegt þegar hulunni hefur verið svipt af vanþekkingu þinni á málinu? Hefur þú virkilega svona lítinn metnað fyrir eigin hönd?

[Skeggi Skaftason, 26.7.2014 kl. 09:00]

Helgi,

hverju á ég að svara? Hverju ert þú að mótmæla í mínum orðum? Ég er EKKI neinn stuðningsmaður Hamas! Af hverju heldurðu það?? ÉG hef EKKERT sagt til stuðningi Hamas!

Ég tek tölum um mannfall frá Gaza með fyrirvara einfaldlega vegna þess að þeir sem þar stjórna vilja að sem flestir deyi ...

Ef þú kýst að vantreysta SÞ og ÖLLUM helstu fjölmiðlum heims og blaðamönnum og hjálparstarfsmönnum sem eru á staðnum, þá er það þitt mál.

Ég veit ekki hvað "þeir sem stjórna" á Gaza vilja, en ég veit að foreldrar leika sér ekki af því að viljandi láta drepa börnin sín. Myndir þú gera það??

Obbi þeirra óbreyttu borgara sem fallnir eru á Gaza fengu tækifæri til að forða sér.

Kjaftæði. Þú getur ekkert fullyrt um það. Hvert á fólkið að fara? Er "í lagi" að sprengja upp íbúðahverfi ef fólk er "varað við" ??

Af hverju segir þú ekkert vegna þeirra tugþúsunda sem fallið hafa í Sýrlandi?

Það er bara önnur umræða. Ísrael er vestrænt lýðræðisríki sem við höfum átt í heilmiklum samskiptum við og ég geri meiri kröfur til þeirra, en stríðandi afla í Sýrlandi.

Hér þarf að styðja siðmenninguna í baráttu við stríðsglæpamennina sem stjórna Gaza.

Það væri óskandi að Ísrael myndi gera það! Þeir styðja ekki siðmenningu með þvi að drepa fleiri hundruð óbreytta borgara og sprengja í sundur infrastrúktúr í Gazaborg, rafveitur, vatnsveitur, vegi, spítala o.fl.

Ísrael er einmitt að RÁÐAST gegn siðmenningunni og spila í leiðinni uppí hendur Hamas.

Ef þú ert svona mikið á móti Hamas, sem er alveg valid sjónarmið, þá ættir þú einmitt að vera á móti öfgakenndum hernaði Ísraela, sem er í engu samræmi við hernað Hamas í þessu stríði.

[Helgi (IP-tala skráð) 26.7.2014 kl. 13:55]

@Skeggi:

Ég er að benda þér á að þú svarar mér hvergi efnislega heldur bryddar alltaf upp á einhverju nýju þó það sem ég segi kippi algerlega fótunum undan þínum málflutningi. Mér finnst það ómálefnalegt.

Siðmenningin er Ísrael og hún er í baráttu við villimennina sem stjórna Gaza. Ísraelar eru að reyna að hjálpa óbreyttum borgurum á Gaza:

https://www.youtube.com/watch?v=31ls3WpCmwk 

Heldur þú virkilega að tölur um mannfall komi frá SÞ? Ertu nokkuð fæddur í gær kæri Skeggi? Innanríkisráðuneyti Hamas sagði nýlega öllum á "social media" að vísa til allra sem falla sem "saklausra borgara". Þetta er eitt af mörgu sem þú vissir ekki.

Læknar og hjúkrunarfólk vinna undir skugga Hamas og það getur verið hættulegt heilsunni að gagnrýna stjórnvöld þar eða fylgja ekki línunni að ofan. Manstu nokkuð hvernig Hamas náði völdum á Gaza árið 2007? Kvikna engin ljós hjá þér Skeggi hvers vegna ég vantreysti þessum tölum?

Það er sömuleiðis leið staðreynd að Hamas notar samborgara sína til að skýla vopnum sínum og hryðjuverkamönnum. Þeir hika heldur ekki við að fela sig í sjúkrkrabílum, skólum og að skjóta á Ísraela frá spítölum. Ætli það sé stríðsglæpur? SÞ hafa fundið vopn í skólum sínum og afhent Hamas. Hversu hlutlausar eru SÞ í þessari deilu? Manstu eftir Goldstone skýrslunni?

Jú ég get fullyrt að fólk hafi verið varað við vegna þess að Palestínumenn á Gaza segja það sjálfir. Fólk fékk tækifæri til að forða sér en í mörgum tilvikum fór það að tilmælum yfirvalda á Gaza og hélt kyrru fyrir, því miður. Vanþekking þín er alveg með ólíkindum.

Ísraelar ráðast eingöngu á hernaðarskotmörk sem eru því  miður alltof oft heimili, spítalar og skólar. Skyldi það vera brot á einhverjum reglum að nota t.d. spítala til hernaðaraðgerða? Hvað segir það um menn sem geyma vopn og sprengiefni á heimilum sínum innan um fjölskyldu sína? Eru þeir ekki vísvitandi að stofna fjölskyldu sinni í hættu? Af hverju talar fjölmiðlar ekki um þetta?

Fyndið að þú skulir tala um rafveitur því rafmagnið á Gaza kemur m.a. frá Ísrael og í upphafi þessara átaka lenti eldflaug frá Hamas á rafstöð í Ísrael sem sér Gaza fyrir rafmagni. Þetta var ábyggilega óvart hjá Hamas en gerðist samt.

Hvaða siðmenningu ertu að tala um á Gaza? Venjulegt fólk þar er fórnarlamb villimannanna sem nú stjórna Gaza og fólk þar á enga von um sæmilegt líf nema þeir sem þar stjórna fari varanlega frá völdum - með góðu eða illu. Hamas vill ekki lifa með Ísrael heldur ætla þeir sér að drepa alla gyðinga. Er það merki um siðmenningu að vilja drepa alla sem eru ákveðinnar trúar?

Ísraelar fóru frá Gaza 2005 og hafa fyrir það uppskorið lítið annað en eldflaugaárásir. Hvað hefur Hamas gert frá 2005 til að undirbúa sjálfstætt ríki? Hvað hafa þeir gert til að sporna gegn atvinnuleysi og fátækt?

Það verður því miður aldrei friður þarna meðan meðlimir Hamas og PIJ ráða för. Síðast voru átök þarna 2012 og þar á undan 2009. Varanlegan frið þarf þarna og tryggja þarf að Hamas og PIJ hætti að ráðast á Ísrael.

Ísraelar eru ekki að spila upp í hendurnar á Hamas með því að ráðast á Hamas, þvert á móti. Heldur þú ekki að íbúar Gaza séu margir hverjir mjög ósáttir við Hamas? Margir þarna sjá í gegnum allt þvaðrið sem þú sérð ekki í gegnum. Hugleiddu vel það sem ég nefndi að ofan varðandi skoðanakönnunina á Gaza. Sömuleiðis hafa komið upp nokkur mjög vandræðaleg spillingarmál hjá Hamas á Gaza undanfarið.

Nei, mannfallið í Sýrlandi er ekki önnur umræða heldur sýnir gögglega fram á tvöfalt siðgæði margra. Ert þú í þeim hóp sem leggur mismunandi mælikvarða á hluti?

Þú meinar án efa vel Skeggi en ert alveg hræðilega illa að þér.

Hafðu það gott Skeggi :-)

[Skeggi Skaftason, 26.7.2014 kl. 16:13]

Helgi,

tölur um mannfall óbreyttra borgara á Gaza síðustu vikur eru ekkert mikið á reiki. Lestu bandarísk blöð, hvort heldur hægrisinnuð eða "liberal", lestu ísraelskar fréttaveitur, öllum fréttaveitum ber býsna vel saman. Ef þú ætlar að halda því fram að tölur um mannfall óbreyttra borgara séu rangar eða ýktar verðurðu að vísa til marktækra heimilda.

Ísraelar ráðast eingöngu á hernaðarskotmörk sem eru því miður alltof oft heimili, spítalar og skólar.

Þetta er ekki svaravert. Þú drepur ekki fólk af því þú haldir að glæpamaður feli sig á bakvið það.

Fleiri og fleiri Ísraelar og gyðingar um heim allan hafa mótmælt ofbeldi og manndrápum Ísraelshers. T.d. stjórnandi Sinfóníuhljómsveitar Íslands, Ilan Volkov, sem ég veit fyrir víst að er enginn sérstakur Palestínu-sympatisör.

Það er til félag fyrrum ísraelskra hermanna sem halda úti síðunni "Breaking the Silence", þar sem þeir lýsa raunveruleika á hernumdu svæðunum, m.a. hvernig þeir voru sendir í hefndaraðgerðir til að myrða menn. http://www.breakingthesilence.org.il/about/organization

Hér eru strangtrúaðir gyðingar í New York að mótmæla ofbeldi Ísraelshers og lýsa yfir stuðningi við VENJULEGT fólk á Gaza: http://www.youtube.com/watch?v=CJ-wtV1CoHI

Lestu Haaretz, þar þora menn að gagnrýna Ísraelsher. Fjölmargir Ísraelar eru fullir sorg yfir manndrápunum. Ísraelskt félag vildi fá að setja "auglýsingar" í útvarp, þar sem voru lesin upp nöfn drepinna barna, en dómstóll í Ísrael stöðvaði það.

Þetta snýst ekki um að vera meða eða á móti Hamas. Hamas eru ofstækisfull samtök og ófær um að byggja upp og stjórna uppbyggingu á heilbrigðu samfélagi. En ofstækið nærist í þeim ömurleika sem Gzabúar hafa búið við í áratugi.

Hér er ágæt lesning frá gyðingi, konu sem virðir Ísrael og íbúa þess, er á móti Hamas, en mótmælir óhóflegu ofbeldi Ísraelshers, sem er MIKLU MEIRA en "sjálfsvörn". Lestu.

http://www.thedailybeast.com/articles/2014/07/25/why-i-m-against-hamas-against-what-israel-is-doing-and-for-judaism.html

Believing that peace is both good and possible, believing that our respect for humanity can triumph over our urge toward violence, does not mean I’m a terrorist sympathizer or naïve or anything in between. As far as I’m concerned, it just means I’m Jewish.

[Helgi (IP-tala skráð) 27.7.2014 kl. 07:03]

Sæll Skeggi.

Fréttasnápar víða um heim éta upp mannfallstölur frá yfirvöldum á Gaza.

Auðvitað eru margir í Ísrael ósáttir við stöðu mála. Ísraelar vilja semja frið en hafa ekki við neinn að semja. Þú horfðir auðvitað ekki á myndbandsbútinn sem ég setti inn að ofan en Ísraelar smíðuðu í snatri spítala fyrir særða íbúa Gaza þar sem þeim er veitt læknishjálp. Hvað heldur þú að Hamas myndi gera við særðan gyðing?

Það að tína til einhverja gyðinga sem eru óánægðir með ofbeldið er ekki rök. Hvað heldur þú að margir á Gaza séu virkilega óánægðir með Hamas og hvað Hamas hefur gert undanfarið?

Þín afstaða er í besta falli barnaleg Skeggi. Hvað myndir þú gera við einstakling sem bara lætur þig og þína fjölskyldu ekki vera? Myndir þú ekki gera neitt til að verja þig?

Aftur leikur þú sama leik og fyrr, svarar hvergi því sem ég segi. Það sem þú segir ekki svaravert í mínum málflutningi undirstrikar hve illa að þér þú ert: Þú hefur engin svör og veist ekki hvernig Ísraelar reka þetta stríð gegn Hamas og PIJ. Stríðsátök eru alltaf messí og það verða því miður alltaf einhverjir sakleysingjar sem falla í valinn og er það afar miður. Það breytir því hins vegar ekki að menn verða að verja sig gegn villimennskunni.  Mér finnst þetta stríð afar leitt en ég vil að Ísraelar klári þetta mál svo þeir lendi ekki aftur í átökum við Hamas innan 3 - 4 ára.

Enn og aftur hvet ég þig til að kynna þér málin - vanþekking þín skín svoleiðis í gegn sem og rökþrot.  

[Skeggi Skaftason, 27.7.2014 kl. 08:45]

Helgi,

Fréttasnápar víða um heim éta upp mannfallstölur frá yfirvöldum á Gaza.

Þú ert farinn að minna á samsæriskenninganöttarana í sjónvarpi Pútíns, afneitar ÖLLUM fjölmiðlum, öllum staðreyndum, en getur ekki bent á neinar upplýsingar í staðinn til að styðja mál þitt, engin gögn, engar heimildir. Nei Helgi, það ert þú sem hefur skíttapað þessari "rökræðu".

Þín afstaða er í besta falli barnaleg Skeggi. Hvað myndir þú gera við einstakling sem bara lætur þig og þína fjölskyldu ekki vera? Myndir þú ekki gera neitt til að verja þig?

Öhh ... já hvað ætti ég að gera? Drepa alla fjölskyldu viðkomandi, börn, barnabörn, ömmur og afa? Kannski er þessi einstaklingur að bögga mig vegna þess að afi minn stal húsinu hans, rak hann í burtu, og afi býr í því enn þá ...

Mér finnst þetta stríð afar leitt en ég vil að Ísraelar klári þetta mál ...

Klára hvað?? Drepa alla á Gaza svæðinu?? Heldurðu í alvörunni að þesi ágreiningur verði leystur hernaðarlega??

Þú mátt hafa þína skoðun á minni afstöðu. Mér finnst þín afstaða beinlínis MANNFJANDSAMLEG.

Mér finnst aumkunarvert hvernig þú situr hér uppi á Íslandi og réttlætir manndráp, þegar fólk sem býr í Ísrael, 100 km frá átökunum, hefur þor til að standa upp og mótmæla. Þetta er ekki "sjálfsvörn" lengur, þegar ofbeldið er svona yfirgengilegt, hundraðfalt meira en mótaðilans. Þeir sem neita að viðurkenna það, eins og þú, eru að afneita staðreyndum sem blasa við. Og þú hefur ekkert til að bakka þessa afneitun þína upp.

[Helgi (IP-tala skráð) 28.7.2014 kl. 05:36]

Sæll.

Það er voðalega málefnalegt að leggja mér orð í munn Skeggi sem og að skauta alltaf framhjá því sem ég segi. Af hverju svarar þú aldrei þeim spurningum sem ég beini til þín?

Ég sagði bara, í sambandi við tölur um mannfall á Gaza, að ég tæki þeim með fyrirvara. Veistu hvaðan þær tölur koma? Hver heldur utan um tölur um mannfall á Gaza? 

Ég segi hvergi að ég styðji það að Ísraelar drepi alla á Gaza enda er það ekki markmið Ísraela né myndi ég styðja slíkt.  Hvers vegna segir þú svona dellu?

Þú kallar mína afstöðu mannfjaldsamlega en þau orð þín ganga þvert á það sem ég hef áður sagt. Segjum sem svo að nú verði samið um vopnahlé í dag (sem Hamas vill ekki). Heldur þú virkilega að ekki brjótist aftur út átök fljótlega, innan 3-4 ára eða svo? Hvað falla margir þá? Svo nokkrum árum eftir þau átök brjótast aftur út átök og hvað falla margir í þeim? Ef þér væri raunverulega annt um Palestínumenn myndir þú gera greinarmun á þeim og Hamas og PIJ. Þessi samtök nota samborgara sína sem mannlega skyldi og koma í veg fyrir að fólk þar fái notið sómasamlegs lífs. Um leið og þetta krabbamein í palestínsku samfélagi hefur verið fjarlægt geta skynsamir Palestínumenn farið að vinna að því að hækka lifistandard samborgara sinna - eins og stór hluti vill. Þetta hatur á Ísrael sem prédikað er af sumum nýtur ekki eins mikils stuðnings og margir halda - sbr. skoðanakönnunin sem ég vísaði í að ofan en þú hefur ekki nennt að kynna þér :-) Við þurfum varanlegan frið þarna - ekki mislöng vopnahlé.

Þú virðist vera á þeirri skoðun að til þess að þessi átök séu jöfn þurfi jafn margir að falla báðu megin. Þökk sé Iron Dome hefur mannfall óbreyttra borgara í Ísrael verið afar lítið.

Þegar ég segi klára þetta mál á ég við að þeir gangi frá Hamas. Hamas er ekki það sama og Palestínumenn á Gaza en þeim vorkenni ég. Furðulegt að þú skulir ekki geta gert þennan greinarmun.

Svo eru ummæli þín um að ég sé búin að tapa þessari rökræðu voðalega skrýtin í ljós þess að þekking þín á þessum átökum þarna er afar yfirborðskennd og að þú svarar aldrei neinu sem ég spyr þig. Þú vilt kannski meina, eins og afar margir, að Ísraelar séu að stela þessu landi af aumingja Palestínumönnum?

Svo væri gaman að heyra frá þér Skeggi hvernig þú telur að Ísraelsmenn eigi að uppræta þessa ógn? Hvað ráðleggur þú Ísraelsmönnum að gera? Hvernig leysum við þennan vanda?

Hér sérðu hvernig hegðun Hamas undanfarin ár kemur beinlínis niður á óbreyttum borgurum á Gaza sem vilja bara betra líf:

https://www.youtube.com/watch?v=7CrOq8gd6kQ

Svo væri afskaplega almennilegt af þér Skeggi ef þú gætir sagt mér hvað stendur í stofnsáttmála Hamas? Hvert er markmið samtakanna?

[Skeggi Skaftason, 28.7.2014 kl. 09:12]

Helgi,

ég held að fyrsta skrefið í átt að varanlegum friði sé vopnahlé, þú heldur að leiðin að varanlegum friði felist í áframhaldandi árásum til að "ganga frá" Hamas.

Ég trúi á frið þú trúir á stríð. Við erum í grundvallaratriðum ósammála.