Árið 2010 - Willem Buiter í Silfrinu

Ég skrifaði síðustu færslu mína eftir lestur á útdrætti úr viðtali Morgunblaðsins við Geir Haarde, forsætisráðherra. Beið svo spenntur eftir að lesa viðtalið í heild sinni. Sérstaklega vildi ég sjá hvort ráðherrann rökstuddi nánar þá skoðun sína, að árið 2010 gæti orðið auðveldara en þetta ár. Ekkert meira kom hins vegar fram í viðtalinu en það sem þegar hafði birst á mbl.is. Ráðherrann segir:

Við höfum ekki dregið dul á það að árið 2009 verður mjög erfitt. Ef vel gengur gæti árið 2010 orðið auðveldara, sérstaklega þegar líður fram á árið. Þetta fer mikið eftir því hver þróunin verður í alheimsbúskapnum.

Í sama blaði skrifar fjármálaráðherra Árni M. Mathiesen grein, "Forgangsröðun í ríkisfjármálum" Kannski hann útskýri þetta nánar? Hann segir í grein sinni:

Samkvæmt áætlunum íslenskra og erlendra sérfræðinga má búast við að árið 2009 verði hið erfiðasta í yfirstandandi efnahangsþrengingum hér á landi og sömu aðilar gera ráð fyrir að strax á næsta ári muni ástandið verða okkur bærilegra.

Ekki var þetta mikið bitastæðara. Það væri vonandi að draumar ráðherranna stæðust. Ég fæ samt alls ekki séð hvernig snarminnka eigi halla ríkissjóðs á næsta ári, án niðurskurðar af allt annarri stærðargráðu en við sjáum nú. Búast ráðherrarnir við því að skatttekjur muni stóraukast á árinu 2010? Að mikill fjöldi nýrra fyrirtækja muni þá allt í einu rísa og veita atvinnulausum vinnu?

Willem Buiter hagfræðingur ræddi um árið 2010 í viðtali í Silfri Egils. Ég hvet alla þá sem misstu af þættinum að horfa á hann á netinu. Viðtalið við Buiter og Önnu Siebert er síðast í þættinum. Buiter sagði meðal annars:

The Government, I think, in all likelyhood will try to pay, service all its debt, and that will mean severe fiscal restrainment, and you haven‘t really seen the beginning of that pain yet, because that has been postponed for a year. You are having a holiday from adjustment, for reasons I don‘t entirely understand. In 2010 the hammer will come down.

Svo mörg voru þau orð.  Buiter og Siebert sögðu raunar fleira:

It was pretty easy to diagnose that Iceland, even early in 2008 when we started our work, was at the end of an unsustainable banking, investment and consumption boom. It was going to crash, there was going to be a collapse of this unsustainable, excessively large banking system. We could not predict the timing of it, but the risk of it was so high that it was a virtual certainty.

Athugasemdir

[Júlía Helgadóttir (IP-tala skráð) 18.1.2009 kl. 23:08]

Hver veit hvað framtíðin ber í skauti sér?  Ekki vita ráðamenn það.  Við vitum samt að ríkið skuldar allt of mikið og atvinnuleysi er rétt byrjað að rísa.

Vonum svo að Rússar fari ekki í stríð.

[Ásdís Magnúsdóttir (IP-tala skráð) 19.1.2009 kl. 11:22]

Gaman að sjá þig á "opinberum vettvangi" :-) Hlakka til að fylgjast með!